Средношколскиот училишен центар „Димитар Влахов,, од Струмица кое неодамна доби трактор со приклучна земјоделска механизација за реализација на практичната настава за ученици од земјоделската струка, деновиве повторно доби донација. Станува збор за фумигатор и сушара за сушење на овошје и зеленчук. Донацијата е дел од проектот на министерството за образование за унапредување на стручното и техничкото средно образование во државата.
Како што информираа од училиштето ,,Димитар Влахов,, од Струмица, станува збор за апаратура и соларана машина со кои ќе се врши сушење на овошјето и зеленчукот како суровина од училишната економија. Ова средно училиште има овошни насади со јаболка, сливи, вишна и цреши. Апаратурата ќе се користи од страна на учениците кои по практична настава ќе го финализираат производството на природен и еколошки начин.